على الطـريقة النرمينية

ما اصعب القسوة عندما تحب وتعشق بكل جوارحك.. وتجد من تحب يقسو عليك..!!! فأنت تحزن .. تبكى .. تتألم فى صمت.. تريد ان تبتعد فلا تستطيع... فالشوق نارا تحرق الفؤاد فى البعاد... فتعود له راضيا ... راضخا فأنت لم تتمن من الدنيا سواه وستظل تدعو الله ان يشعر بك.. او ان تستطيع فتنساه..!!!!

ذبلت ورود قلبى قبل ان يراها النور.. زادت فيه الجراح حتى اثقلته الهموم.. وزاد بى العجب انى لازلت صغيرا.. وقلبى من الهم قارب على المشيب.. احس انها نهايتى بينما هى اول كلمة فى قصتى.. فأذا كانت البداية قاسية فكيف ستكون نهايتى؟؟ ولماذا دائما ارى الظلام فى دنيتى.. ومن الذى اطفأ ببروده شمعتى.. واشعل فى زهورى النار حتى فسدت حديقتى.. وكيف هنت عليه حتى يرينى من العذاب الوانا لاترحم حداثتى.. ومالى انا والعيش فى جحيم وانا لم ارى بعد باقى دنيتى.. فلما يكتب على العذاب والالم وان اعيش اقاسى وحدتى. رفعت يدى للسماء اطلب الداء للدواء. .واطمع يوما فى الشفاء. .املا ان استعيد يوما سعادتى.

دعونى فى صمتى ابكى.. فلست من محب النواح والعويل.. دعونى انفس عن غضبى..فأزيل همى الثقيل. ولا تقلقوا فلن احكى اواشكى.. سأظل لصمتى اسير.. لن اثقل عى احد بهمومى فأنا ادرى الناس بقلبى العليل.. دموعه هى التى تريحه.. وصمته دائما هو الدليل. سيظل صامتا حتى ينسى ماحل به او يضحى للموت اقرب فى المسير.. ثم يعود مجددا يضحك ويلهو..!! فيثير من حوله الاقاويل.. كيف خرج فجأة يضحك ويلعب وقد كان يبكى منذ قليل.. ولكنى اضحك ولا زلت ابكى فى صمتى وارثى قلبى الصغير.. واعود لأكتب اشعارا وارسم الضحكات بأسلوب جميل...!!!

دعك من البكاء..فهذه دموع التماسيح ولاتبكى وتتنهد وكن معى صريح.. انت لم تقاسى فى البعاد.. ولم يكن قلبك جريح.. وكيف تقاسى وتعانى؟!! وانت لم تتذكرنى لثوانى.. ولن اقول لك لاتذكرنى وانسانى.. فأنا ادرى انا قد ملأت مكانى.. ولا تقسم وتعطى وعودا بأحلام وأمانى.. فلن اعود يوما لحبيب انانى.. ولن ابكى او اندم على الايام واليالى وستظل فى قلبى ذكرى لقلب احببته بكل كيانى..وراضى لى هوانى.

انا المرايا..انا المرايا اللى هتقولك ايه الحكاية..انا المرايا اللى انت بتقف قدامها كل يوم بس عمرك ماشفت نفسك فيها،انت اغلب الوقت بتشوف فيها حد تانى خالص ..حدغيرك..من الاخر مش انت خالص.. بس انا بقى المرايا اللى شايفاك ومش بس انا شايفة ملامحك لا انا كمان شيفاك من جوه..شيفاك على حقيقتك..انت قدامى واضح تماما..شفاف جدااااااااا. انا وبس اللى عرفاك مش حد تانى..انا وبس اللى شايفة فيك الوحش قبل الحلو..وانا وبس اللى انت مبتحبش تقف قدمها..انا المرايـــــــــا. انا.. انت..انت اللى بتهرب منه لحد تانى مش شبهك..انا انت اللى عمرك ما اعترفت بيه انا كل حاجة حلوة دمرتها بأيدك..وكل حاجة وحشة عملتها فى يوم..انا انت اللى عمره ما كان شيطان ولا يوم هيكون ملاك.. انا انت اللى دايما بتحمله اخطائك..انا انت الشئ الضعيف،المسكين،المثير للشفقة،الكداب،الضايع الفاشل،اللى دايما محتاج مساعدة.. انا انت، بس انا اوضح،انا دايما صادق،حتى لما بعمل الوحش بعترف بيه بكل صراحة...لكن انت كداب حتى معايا برضه كداب..بس المشكلة انك لما تكدب على اى حد ممكن يصدقك، لكن انا عمرى ما اصدقك

يعنى ايه كلمة وطن..؟! ايه اللى بيخلينى اقول ان مصر دى هى بلدى..؟! بمعنى اصح انا ايه اللى رابطنى بيها،بالرغم من كل بلاويها. ايه اللى مخلينى صابرة على العيشة فيها ومقررتش مثلا انى اسافر منها بأى طريقة زى ما غير عمل..؟! انا مش هغنى ولا هقول شعارات ولا هقول حتى ان لسه فى مصر لانها امى..!!!!!!!!!! ولانى مش قادرة اسيب حضنها....!!!!!!!!!!! مصر مش امى ولا حتى حصلت تبقى مرات ابويا.. مصر عمله زى جدى...!!!! الشخص ده طول عمرى بسمع عنه حكايات كتير جداااااا بس عمرى ماشوفته غير فى الصور...!!! اكتر من كده مفيش،بالضبط زى مصر وعلاقتى بيها.. طول شهر اكتوبر اسمع انجازات وبطولات وناس بضحى وناس تتشاهد وناس عاشت لمصر وماتت علشانها.. لكن طول السنة الباقية هناك حالة من الصمــــــــــــت...!!! الحكاية يا جماعة بكل بساطة ان مصر دى دونا عن كل بلاد العالم المعاصر اللى اتولدت فيها.. ومش بس اتولدت فيها لا دا كمان بيتى فيها.. وانا من الناس اللى بتعشق بيتها بغض النظر عن سلبيات كتير ممكن تكون فيه، فانا من عشاق البيت والاسرة واللمة. وبالنسبة ليا قعدتى مع اهلى فى البيت بالدنيا.. ممكن كتير ميتفقش معايا فى ده،لكن لو جرب يب

اصعب اللحظات... عندما يبكيك الزمن ولا تجد من يسليك. اصعب اللحظات... عندما يهون الحب،وتقسى القلوب وتتحطم كل الاحلام والوعود. اصعب اللحظات... عندما يتركك حبيب الروح..ويرحل تركا قلبك ينزف وهو مجروح. اصعب اللحظات... عندما تشتاق لمن تحبهم..ويكون شوقك صامتا..فيصاحبه الالم. اصعب اللحظات... عندما يبكى قلبك ولا تدمع عيناك..!!! اصعب اللحظات... عندما تتذكر شخصا قد نساك..!!! اصعب اللحظات... ان تخسر قلبا يهواك وعاش يتمنى حبك ورضاك..!! اصعب اللحظات... هى لحظات الندم..لحظات الالم..لحظات الفراق.. لحظات الفشل..لحظات العذاب.. لحظات رحيل الاحباب.

حبيبتى... علمنى حبك ان انظر لوجهك وانا صامت.. فقط لآتأمل وجه تلك المرأة التى اسرت قلبى بحبها.. حبيبى... فى صمتك اروع الكلمات اسمعها.. وفى كلامك شعرا بنوره يحيينى.. فأنا احبك فى كل الاحوال.

اه من الدنيا... اه من الزمان... اغرقتنا فى بحر الاحزان.. حتى ذبلت فينا زهور الربيع.. ومر العمر بنا كأنه قطار سريع.. وتبددت الاحلام كالدخان.. وماتت الفرحة فى قلوبنا، وزادت الاحزان.. وجرت الايام من ايدينا.. وضاع الطريق الى وادينا.. والقمر فى السماء لا يهدينا.. فأين الاهل والاحباب..؟! وكيف هى الراحة من العذاب..؟! وكيف لنا ان نهدئ او ننام..؟! كيف..؟! وقد ضاع منا كل شئ..حتى الاحلام. تركتنا الدنيا فى بحر بلا هداية.. ما رأينا له بداية من نهاية.. واين نجد المرسى..؟! والعمر يمشى بنا والدنيا لم تزل.. تقســــــــــــــــى.......!!!

للجراح قلوب.. سالت دمائها..بلا دموع..بلا انين. فظلت بعذابها صامتة..!! تنتظر النهاية..نهاية كل شئ.. الامها..جراحها..عذابها..حتى فرحتها..!! فما تبقى بها مكان حتى تدخل منه الفرحة اليها.. فقد ماتت فيه الفرحة فيها قبل ان تولد...!!! وللسعادة قلوب.. وجدت نهاية لاحزانها..وعرفت الطريق للنور.. فهربت من ظلامها تعدو نحو الشمس.. تحتمى بها من الظلام والاحزان.. لتبدأ عهد جديد من السعادة..

اليك يا من كنت صديقى..  اليك يا من كنت مصدر هنائى واضحيت مصدر تعذيبى.. اليك يا من كنت طبيبى.. اكتب اليك السطور الاخيرة من ايامنا..احلامنا..اوقاتنا... اليك نهاية كل شئ... اليك وداعى وسلامى.. فقد قررت ان انساك وان امحيك من صفحات ايامى.. وان عاودنى الحنين اليك..فلا تقلق فأنا لن أعود لقلب جفانى.. واعطانى من الجراح ما أضنانى. ورضى العذاب ولم يرق يوما لحالى.. فهل تطن انى بهذا الغباء حتى اعود لجراحى وهوانى.. ولك عندى كلمة اخيرة ارجوك ان تنسانى.. (يامن كنت صديقى.. لم اقصد يوما ان اجرحك..لكنى فعلت،وربما لم تقصد يوما ان تجرحنى..لكنك فعلت)

الخوف... الخوف غريزة خلقها ربنا فينا كلنا سواء كنا انسان اوحتى حيوان ودى حقيقة لايمكن اى حد ينكرها. كلنا بنخاف واى شخص يقول غير كدة كداب . والخوف نوعين يا(خوف من) او (خوف على). فمثلا احنا بنخاف من ربنا من الفقر من المرض من المستقبل من الزمن وغدره من الاصحاب اللى ممكن يعملوا حاجات فينا تكرهنا فى الدنيا واللى فيها وبنخاف من القرايب احيانا وبنخاف من العين وبنخاف من الحكومة والدكتور نظيف اللى الحمد لله نظف جيوب المصريين كلهم !!!!!!!!. وفى حاجة مهمة الخوف من انك تغلط لان اللى حوليك مش حيغفيروا ليك الغلط ولاحيسمحوا بيه لان ببساطة الغلط ممنوع والتقصير ممنوع لانك حتسمع كلا م زى السم لو قصرت او غلطت خصوصا لو كنت صغير فى نظر الاشخاص اللى بتتعامل معاهم.اما بقى( الخوف على) فأحنا بنخاف على نفسنا وعلى الصحة وعلى الفلوس وعلى المستقبل وعلى بلدنا وعلى الاشخاص المهمين فى حياتنا بنخاف على الريس لو ربنا رحمنا وخده حنعمل ايه!!!!!!!!!!!!.......................الخ. والخوف شعور طبيعى جدااا.بيفسره البعض على انه ضعف لكن بالعكس الخوف بيحسسنى اننا بنى ادميين بنحس عندنا دم .والخوف له جانب سلبى فى انه ممكن