التخطي إلى المحتوى الرئيسي

المشاركات

عرض المشاركات من أغسطس, ٢٠١٤

سئ أنا بالقدر الكافى..فـ أبتعدوا عنى ياملائكة.. !

غنت أيمى واينهاوس فى اواخر 2006 أغنية من اشهر أغنيها اسمها " You Know I'm No Good " واختارت ان تكون هذه الأغنية هى الـ single التى سيتم استخدامها كبداية للدعاية الخاصة بألبومها Back to Black والذى صدر مع بداية 2007.. وعندما صدرت الاغنية نجحت فى تصدر قوائم الاغانى الاكثر استماعاً حتى انه تم استخدامها كـ دعاية لـ برنامج تليفزيونى شهير " Mad Men " ,وايضاً برنامج " Secret diary of a call girl "  وفى نفس العام  كان لـ ايمى حفل فى لندن من ضمن الجولة الدعائية للألبوم الجديد  ايمى ظهرت على المسرح بفستان قصير جدا تظهر من خلاله بوضوح جميع التاتوهات المشومة على جسدها , ومع أصوات موسيقى الـ Jazz  ترفع ايمى كاس الويسكى من على الأرض *رشفة صغيرة* ثم تبدأ بالغناء.. او بمعنى اصح جلسة الاعتراف , فالأغنية التى كتبتها المغنية الشهيرة ليست الا اعتراف منها بأنها شخصية سئية.. سيئة للغاية , فهى خائنة وتعترف.. تذكر تفاصيل خيانتها مع اخرين واحساسها بالذنب عما فعلته احياناً.. واحياناً اخرى تنبهه انها ذكرت له من قبل طباعها السيئة!  وفى مقطع اخر تقول بمنتهى الوضوح

فى حكم الدوائر المفرغة والقلق !

عن القلق والخوف من التوهان جوه دوائر مفرغة مبتخلصش , وحكاوى كلها بتسلم لبعضها وكلام متعاد بس بصيغ مختلفة احيانا واحيانا تانية بنفس الصيغ.. مذاهب الوجع على اختلافها كلها بتسيب نفس المرارة فى الحلق نفس الغصة فى القلب , وساعتها بيجي عليك الوقت اللي بتحس فيه ان حتى نسمة الهوا بتوجعك.. حتى الشمس لما حرراتها بتزيد حبه فى نهار الصيف بتبقى عايز تعيط وترفع عينك فيها بكسرة نفس وتقولها حتى أنتى جاية عليا.. ! فصل الخريف هو اكتر فصل مرتبط عندى بفكرة التطهير وكسر الدوائر.. على قد ما ناس كتير بتشوف الوقت ده كئيب من السنة على قد ما انا بشوفه مبهج الى حد ما.. فكرة انه جاي علشان ياخد كل ورق الشجر القديم والدبلان من على كل غصن فى كل شجرة بتريحنى نفسياً وبتخلينى انا نفسى اسأل ليه احنا كمان منعملش لروحنا خريف كل سنة ! ليه منحولش نقف مع نفسنا ولو ساعة زمن واحدة بس ونقيم المحيط بتاع كل واحد فينا, وبناءً عليه نتحرك فى خطوات رمى الورق القديم من على كل غصن فى كل حكاية لينا متعلقة وساعتها اغلب الظن كل واحد فينا هيقرر اذا كانت الحكاية دى تستحق انها تكمل ولا لأ ! واسينى الاعرج قال : " معلّقون نحن