التخطي إلى المحتوى الرئيسي

انا والخوف وهواك




الخوف... الخوف غريزة خلقها ربنا فينا كلنا سواء كنا انسان اوحتى حيوان ودى حقيقة لايمكن اى
حد ينكرها. كلنا بنخاف واى شخص يقول غير كدة كداب . والخوف نوعين يا(خوف من) او (خوف على). فمثلا احنا بنخاف من ربنا من الفقر من المرض من المستقبل من الزمن وغدره من الاصحاب اللى ممكن يعملوا حاجات فينا تكرهنا فى الدنيا واللى فيها وبنخاف من القرايب احيانا وبنخاف من العين وبنخاف من الحكومة والدكتور نظيف اللى الحمد لله نظف جيوب المصريين كلهم !!!!!!!!. وفى حاجة مهمة الخوف من انك تغلط لان اللى حوليك مش حيغفيروا ليك الغلط ولاحيسمحوا بيه لان ببساطة الغلط ممنوع والتقصير ممنوع لانك حتسمع كلا م زى السم لو قصرت او غلطت خصوصا لو كنت صغير فى نظر الاشخاص اللى بتتعامل معاهم.اما بقى( الخوف على) فأحنا بنخاف على نفسنا وعلى الصحة وعلى الفلوس وعلى المستقبل وعلى بلدنا وعلى الاشخاص المهمين فى حياتنا بنخاف على الريس لو ربنا رحمنا وخده حنعمل ايه!!!!!!!!!!!!.......................الخ.
والخوف شعور طبيعى جدااا.بيفسره البعض على انه ضعف لكن بالعكس الخوف بيحسسنى اننا بنى ادميين بنحس عندنا دم .والخوف له جانب سلبى فى انه ممكن يخلى الانسان مايتحركش من مكانه خصوصا لو كان الحاجة اللى هيواجها ديه خايف منها بشكل كبير والخوف متملك منه من نحايتها. زى مثلا خوف المصريين من النظام الحاكم خلق عندهم حالة من عدم التعليق هما بس بيحرقوا فى دمهم لان حتى حق الاعتراض بقى مرفوض.ولان لو حد جت ليه حق التعليق بشكل مفتوح اوى حيكون مصيره حملة من الهجوم المضاد المدعمة من كل الصحف القومية وحتى المعارضة !!!!!!!!!!!!! وسلامات الف سلامات
ياحكومة...وياسلام بقى على امريكا ورعب العرب كلهم منها. ماما امريكا كلمها على الراس والعين والودان كمان كله الا زعل ماما امريكا!!!!!!!!!!!.اجدع تحية لامريكا اللى لبست العالم العربى كلة كوافيل....
المهم ان لو الواحد اتكلم عن امريكا وعلاقتها بالعرب الكلام مش حيكفى صفح ومقالات وصوتى حيتنبح على الفاضى !!نرجع للخوف..الجانب الايجابى من الخوف بيتمثل ان الانسان لما بيحس بالخطر من بعيد يبدء ياخد خطوات ايجابية. فخوفنا على مستقبلنا مثلا بيخلنا نتعلم وننمى مهارتنا. خوفنا على وطننا.. على عروبتنا.. على تراثنا.. على تاريخنا.. على امجاد العرب (لو نفتكرها)يمكن نتحرك لو كل واحد فينا حس بقيمة عروبتنا.. مصريتنا ..يمكن فعلا نتغير.
انا عندى امل فى ربنا..وفى نفسى..وفى جيلى.


والسلام ختام

تعليقات

المشاركات الشائعة من هذه المدونة

كيف ‏بدأت ‏نوبات ‏القلق

- بداية الـ anxiety disorder معايا كانت تقريباً من 2010 .. كنت لسه في الجامعة وبدأت أدخل في دوامة اكتئاب بسيطة سببتلي أرق بشع ( كنت بنام ساعتين في اليوم مثلاً) وانعدام الرغبة في الأكل. - في أواخر 2012 الـ anxiety بدأ يسببلي مشاكل واضحة في المعدة، وبقي سهل جداً لو توترت زيادة عن اللزوم اجيب كل اللي اكلته! ووقتها وزني نزل من 87 لـ 77 في فترة أقل من شهر! - في 2015 عرفت الـ Panic attack لأول مرة. جاتلي في الشغل! والشهادة لله دي كانت أعنف مرة. بدأت بعياط هادي وبعدها ضيق تنفس ثم انخفاض حرارة الجسم مع رعشة ثم رؤية ضبابية بالكامل ودوخة مع زيادة ضيق التنفس! افتكرت يومها اني هموت خلاص. وعشان افوق منها اخدت وقت وباقي اليوم كنت مرهقة جداً ونفسي تقيل. - في 2018 مشاكل الأرق بدأت ترجع وقررت احاربها بممارسة الرياضة 3 ساعات على الأقل يومياً. كنت بخلص شغل، اروح الجيم، اروح البيت اخد شاور وانام! وده بالنسبالي كان يوم عظمة! -من 2019 وطبعاً خلال 2020 بعاني بشكل شبه يومي مع الـ anxiety وال Panic attack واوقات كتير أساليبي في محاربتهم بتفشل وبستسلم للنوبات! - رحلة 10 سنين تقريباً مع "الكلاب السعرانة الل...

من شرفة القمر إلى دهاليز العقل

أتأمل البدر المكتمل من مقعدي الخلفي في السيارة، أتابعه طوال الطريق وهو يمرّ من وسط الغيوم إلى السماء الصافية، وهكذا دواليك. أتابعه ببلاهة طفلٍ في الرابعة من عمره، يظن فرِحًا أن القمر يتبعه أينما ذهب تربطني بالقمر علاقة لا أفهمها كثيرًا، لكني أحبها. أعشق مشاهدة البدر، ويمكنني أن أحدق فيه لساعات دون ملل. وعلى الرغم من معرفتي بأن القمر لا يسير معي حقًا، إلا أنني أنزعج كثيرًا حين تحجبه الأبراج والعمارات العالية عني فجأة! أكره القاهرة في معظم الأوقات لأسباب عديدة، وربما كانت هذه من أبرزها . على مدار أعوام، كان القمر صديقي الوحيد، لا يملُّ منّي.  أنا صاحبة العقل الذي لا يهدأ ولا ينام. أحدثه كثيرًا، وأصمت أكثر عندما تتداخل الأفكار في رأسي، وتغمرني مشاعر متناقضة لا أستطيع التعبير عنها . تعلمت مؤخرًا دعاءً أكرره يوميًا: "اللهم اصرف عني شتات الأمر والعقل والتفكير". أتمسك به كلما عدت من شرود طويل بين مئات الأفكار والتساؤلات . مؤخرًا، وصفني أحدهم بأنني هادئة. وقالت لي أخرى إن والدتها تتمنى ابنة مطيعة مثلي! أثار الأمر دهشتي لوهلة، ومرَّ أمام عيني شريط طويل من المواقف - بطول سنواتي الأرب...

في وصف حالة "علي ما يبدو وتقريباً كده" !

ولأننا مش واثقين في حاجة/حد بشكل كامل فـ بتفضل تعاملاتنا كلها بين قوسين اسمه " تقريباً او Almost" فـ نكررها أكتر من مرة في وسط كل جملة بنقولها ! فأقولك إني تقريباً قربت أوصل للبيت، وتقريباً كده أنا أتغيرت .. وإني تقريباً بتضايق لما يتقال ولو بالهزار إني "مسترجلة" مع أنها حقيقة مقدرش أنكرها! او إني تقريباً مبعرفش أعبر عن اللي جوايا صح غير بالكتابة! و إني تقريباً كده انا لسه بحبك وفكراك!  و أني كنت تقريباً بشم ريحة اللي بحبهم لما يطول غيابهم عني، لكني تقريباً فقدت حاسة الشم !  وأني ساعات ببقي تقريباً مبسوطة وراضية بكل تفصيله في حياتي لدرجة إني مبفهمش هو أنا كنت متضايقة ليه؟!  وإن تقريباً اللون الأزرق لوني المفضل او يمكن الرمادى، فعلاً معرفش! او إني تقريباً بحب الـ random photos اللي بتكون علي ألبوم الموبايل وبسرح فيها بالساعات وإن تقريباً نفس الصور اللي  بتضحكنى بتسبب لي حزن كبير!  "تقريباُ" عند اللي زي مش مجرد كلمة كده والسلام ، هى أقرب مايكون لـ وصف حالة بنعيشها ! وصف لـ خط النص، مابين القرب او البعد الكامل!  it's " Almost "  but not...