التخطي إلى المحتوى الرئيسي

المشاركات

عرض المشاركات من يناير, ٢٠١٥
الجو النهاردة حقيقي جميل! محتاج نخرج نتمشي  ونسمع مزيكا وياسلام لو زرنا النيل ، بس أنا اصلا صاحي من النوم مزاجي عكر  وكمان ضغطي واطي ..  لأ وزيادة في الرزلة محدش من أصحابي فاضي..  اصله كان يوم حد ، ومحدش كان فاضي لحد..  وانا صعبان عليا يضيع اليوم ،  هقضيها كده مهموم..  شربت فنجان قهوة وشربت كمان شاي.. سمعت كام تراك مزيكا بحبه  وغنيت سلملنا علي التروماي..  ونزلت اقيس الضغط اكمني لسه حاسه بدوخة..  وبرغم كل المحاولات الضغط لسه واطي  انا شكلي منحوسة..! يعني هرجع البيت وقفايا يقمرعيش..  هعيش في دور العيانة واقفل بلكونة وشيش! طب اجيب حتى فيشار او غزل بنات   او أمشي اعاكس فى الصبيان والولاد ! وبعدها اعزمنى على حمص شام  واروح اتعشي وانام :D 

فى عشق البنات الحلوين

فى بنات عشرتها تمحى الذنوب..وبنات من حنيتها تخليك تعشق وتدوب.. وبنات جمال روحها خالى من اى عيوب ،  وبنات تانية هوايتها كسر القلوب.. وبنات بميت راجل وراجل تسد فى إي مكان ، وبنات احضانها هى ملخص الاحساس بالأمان.. وبنات تخرجك من الجنة وتدخلك النار راضى، وبنات خفاف جدا زى الطيف يمر فى حياتك هادى.. وبنات دايما سبب الابتسامة،روحهم الحلوة لازم تسيب جواكـ علامة.. وبنات النظرة فى عيونها تجبر بخطرك المكسور، تضمك بكلمة حلوة وترد روحك للنور.. وبنات زى الورود فى طبعها من غير إيد تحن عليها وترعاها ممكن تموت من همها.. وإنتى ياحبيبتى تأويلك عندى كل ده وأكتر شوية انا بتعلم منك ياحلوة فصول جديدة فى الحب والحنية.. دمك يابنت سكر زيادة، الارض لما بتمشى عليها بتفرح وقلبى لما بيلمس روحك بتزوره السعادة.. لو حد قالك أنه بيحبك أكتر منى متصدقيش !! أنا وحدى اللى حبك فى قلبه يقين مش بس عبادة ♥ أنتى عندى بكل البنات ، أنتى دنيا وفى قلبى صاحبة السيادة..