على الطـريقة النرمينية

- مشكلتى مع الوقت إنى بحسه بيتسرسب من ايدى..بالضبط زى الرمله ، لأ مش زى الرمله .. ده زي ميه البحر كده لما تحاول تمسكها بأيدك ! عمرك عرفت تمسك ميه بأيدك من غير م تتسريب منك لحد آخر نقطة ؟! اهو انا بقى طول الوقت حاسه انى هعيش ومش هعيش .. ولأ مش زى حالة عمرو دياب فى الاغنية بتاعه انا عايش ومش عايش دى ! الحكاية هتبقى زى اللى دخل المحاضرة فى كلية مش بتاعته _مع ان عنده محاضرة فى كليته والله_ وقعد وسط ناس لا يعرفهم ولا يعرفوه ومفهمش ولا كلمة من الدكتور اللى بيشرح ومع ذلك فضل مكمل للآخر والمحاضرة خلصت !  - كنت بتفرج النهاردة على حلقة جديدة من مسلسلى المفضل " Gray's anatomy " ♥ الحلقة اتختمت بكلمتين على لسان البطلة وهى بتقول لجوزها بكل وضوح انها تقدر تعيش من غيره .. بس هى مش عايزة ده ولا عمرها فكرت فى كده حتى ! والفكرة هنا هو احنا اللى بنكتف نفسنا بالمشاعر ولا المشاعر هى اللى بتكتفنا ؟!  احيانا كل واحد فينا بيحتاج من اللى قدامه كلمة فى الوقت المناسب  تخليه يمسك فيه فى عز ما كل الاسباب والدوافع والدنيا كلها بتقوله سيبه وكمل وحياتك هتكمل عادى واغلب الظن حياتك ساعتها هتمش

لكل واحده بشعرها او قررت تكون بشعرها انتي في نظر المجتمع "عاهره ماشيه ع حل  شعرك .. شوفيلك كباريه روحيه اخر الليل" متتخضيش هما شايفينك كدا بالظبط  في حين انهم عارفين ان ممكن تبقي مغطيه كل جسمك ومفيش شعره باينه منك وبتعملي كل الحاجات الغلط والحرام في الدنيا ونفسيه و بتكرهى الخير لغيرك وبتكدبي وما الى اخره .. لا ومش بس كدا .. دا الانكت بقي ان كل دا  ممكن يتعمل في وضح النهار وفي عز الشمس مش محتاجه "تكوني بالليل في كباريه" في حين ان البنت اللي من غير حجاب ممكن تكون مبتكدبش - مبتصاحبش - متحبش تتكلم ع واحده صاحبتها - اخلاقها عاليه - محترمه - وكل اللى اتعاملوا معاها بيقدروها .. بس هي من غير حجاب ! كونها قررت تكون بشعرها دا هيخليها تتحط في خانه "اللامؤخذه شمال" حتي لو مكنتش كدا !! لكل الناس اللي بنص عقل..  اللي عاوز يعمل حاجه هيعملها في الوقت اللي هو عاوزه .. الاساس ع التربيه والاخلاق مش مشكله هي لابسة ملس ولا شعرها باين دا غير انك متعرفش الصوره الكامله عن كل اللي بتشوفهم بلاش تحكم ع غيرك مدام متعرفش تفاصيل حياته ولو حتى كنت قريب منه انت متعرفش جواه