- بداية الـ anxiety disorder معايا كانت تقريباً من 2010 .. كنت لسه في الجامعة وبدأت أدخل في دوامة اكتئاب بسيطة سببتلي أرق بشع ( كنت بنام ساعتين في اليوم مثلاً) وانعدام الرغبة في الأكل.
- في أواخر 2012 الـ anxiety بدأ يسببلي مشاكل واضحة في المعدة، وبقي سهل جداً لو توترت زيادة عن اللزوم اجيب كل اللي اكلته! ووقتها وزني نزل من 87 لـ 77 في فترة أقل من شهر!
- في 2015 عرفت الـ Panic attack لأول مرة. جاتلي في الشغل! والشهادة لله دي كانت أعنف مرة. بدأت بعياط هادي وبعدها ضيق تنفس ثم انخفاض حرارة الجسم مع رعشة ثم رؤية ضبابية بالكامل ودوخة مع زيادة ضيق التنفس! افتكرت يومها اني هموت خلاص. وعشان افوق منها اخدت وقت وباقي اليوم كنت مرهقة جداً ونفسي تقيل.
- في 2018 مشاكل الأرق بدأت ترجع وقررت احاربها بممارسة الرياضة 3 ساعات على الأقل يومياً. كنت بخلص شغل، اروح الجيم، اروح البيت اخد شاور وانام! وده بالنسبالي كان يوم عظمة!
-من 2019 وطبعاً خلال 2020 بعاني بشكل شبه يومي مع الـ anxiety وال Panic attack واوقات كتير أساليبي في محاربتهم بتفشل وبستسلم للنوبات!
- رحلة 10 سنين تقريباً مع "الكلاب السعرانة اللي بتجري في دماغي" علمتني كتير وخدت مني أكتر! مجهود استحالة يتلخص في دواء ممكن يتاخد أو جلسة علاج او خروجة وكلمتين زي اهدي وانتي مكبرة الموضوع ليه؟!
مجهود عشان اقدر افرق بين شخصيتي وبين الشخصية اللي جوه الـ loop!
مجهود عشان محدش بيفهم ليه انا رخمة جدا النهاردة؟ وليه عصبية كده؟!
وليه مش عايزة اقابل ناس جديدة؟ وليه كل الناس خارجة بس أنا لأ ؟.. إلخ.
مجهود عشان أفهم ان محفزات ال anxiety مش مجرد عوامل داخلية، لكنها شاملة كمان trigger words وأشخاص بعينهم مينفعش يكملوا في حياتي ومواقف يستحسن محطش نفسي فيها! مجهود لأن مفيش علاج شافي ووافي، لكن خطوات وطرق مختلفة ويا تنفع يا متنفعش! مجهود عشان حتي تقدر تحكي من غير ما تحصرك العيون بأحكامها المسبقة، او بتعليقاتهم الساذجة!
دمتم سالمين ومتعافين ومفهموين!
تعليقات
إرسال تعليق