التخطي إلى المحتوى الرئيسي

ماذا لو كان كل شئ أزرق ؟!

بتحب براح السما وبراح البحر علي امتداده وعمرها ما حست بخوف قدام الأتنين دول مع أنهم مصدر خوف عظيم لناس كتير، لكنها بتخاف من المترو! من كونه تحت الأرض وبيمشي في أنفاق ضلمة وضيقة، من زحمة البشر فيه وأنفاسهم اللي بتخلي الهوا تقيل اوي وصعب! 
عمرها ماصدقت كلام حلو اتقال ليها مع أنها عمرها ما كذبت حد بتحبه.. حاولت كتير تفكر ليه مش بتصدق الكلام الحلو.. ليه بتشوفه علي حد تعبيرها "هجص" ليه مبتعرفش تشوف نفسها حلوة وتستحق الأطراء زي ما غيرها شايف وحاسس! لكن مفهمتش، ومش لأنها بتكره نفسها، الحقيقة هي إنها بتشوف نفسها طول الوقت عادية.. عادية جداً لدرجة لا تستحق المدح او التمييز عن غيرها ! 
زمان كانت مقتنعة ان الحياة يا أبيض يا أسود، يا صح يا غلط، وان البشر يا طيببين يا أشرار وانه مفيش خيار تالت.. لكن مع الوقت أكتشفت ان الصح والغلط مجرد وجهه نظر! وإن الحياة فيها الف خيار مختلف فيهم خليط من الخير والشر والفرق بينهم شعرة رفيعة جداً متقدرش علي اساسها تحكم اذا كان صح او غلط! وان الحياة لونها رمادي.. آه رمادي وعلي حسب الموقف بيكون الدرجة.. رمادي فاتح او غامق! وإنه عشان تفهم معني الفرح وتقدره لازم تتعلم تحزن وإلا الشعرة اللي بينهم هتتقطع والفرح هيفقد معناه. 
اتعلمت متمشيش جنب الحيط عشان هيقع عليها، وانها لازم تغلط ولازم تتكسر وتغلط تاني من غير ما تكرر نفس الغلط مرتين..
اتعلمت تبقي ممتنة لأخطائها ولأي نسخ قديمة منها، وتحب بتاعة دلوقتي لأنه محدش هيبقي ليها غيرها ولأنها تستاهل تتحب.
أتعلمت إن الحياة بكافة المقادير لعبة خسرانة، مهما حاولت تبان كسبان منها انت برضه خسران.. حاجة كده شبه القمار لو كسبت النهاردة هتخسر بكرة، وهتفضل تلعب علي امل انك تعوض خسارتك عشان تحس بالرضا او يمكن لأن اللعبة لازم تستمر. 
وإن الرضا نفسه شعور مجازي.. متعلق بتحقيق شئ معين له تأثير جوه كل واحد فينا! يعني ممكن جداً ميكونش حقيقي ولا مستمر.
كانت بتحب اللون الازرق ومعتبراه لونها المفضل، كان نفسها تبقي كل حاجة لونها ازرق بدرجاته المتفاوتة زي البحر والسما.
بس يمكن لو كانت الدنيا سهلة وبسيطة بنفس بساطة الفرق بين اللونين الأبيض والأسود، مكنش الرمادي بقي اكبر من مجرد لون حيادي لا هو فاتح ولا غامق.. مكنش الرمادي بقي أسلوب حياة! مكنش الرمادي بقي لونها المفضل. 

تعليقات

المشاركات الشائعة من هذه المدونة

كيف ‏بدأت ‏نوبات ‏القلق

- بداية الـ anxiety disorder معايا كانت تقريباً من 2010 .. كنت لسه في الجامعة وبدأت أدخل في دوامة اكتئاب بسيطة سببتلي أرق بشع ( كنت بنام ساعتين في اليوم مثلاً) وانعدام الرغبة في الأكل. - في أواخر 2012 الـ anxiety بدأ يسببلي مشاكل واضحة في المعدة، وبقي سهل جداً لو توترت زيادة عن اللزوم اجيب كل اللي اكلته! ووقتها وزني نزل من 87 لـ 77 في فترة أقل من شهر! - في 2015 عرفت الـ Panic attack لأول مرة. جاتلي في الشغل! والشهادة لله دي كانت أعنف مرة. بدأت بعياط هادي وبعدها ضيق تنفس ثم انخفاض حرارة الجسم مع رعشة ثم رؤية ضبابية بالكامل ودوخة مع زيادة ضيق التنفس! افتكرت يومها اني هموت خلاص. وعشان افوق منها اخدت وقت وباقي اليوم كنت مرهقة جداً ونفسي تقيل. - في 2018 مشاكل الأرق بدأت ترجع وقررت احاربها بممارسة الرياضة 3 ساعات على الأقل يومياً. كنت بخلص شغل، اروح الجيم، اروح البيت اخد شاور وانام! وده بالنسبالي كان يوم عظمة! -من 2019 وطبعاً خلال 2020 بعاني بشكل شبه يومي مع الـ anxiety وال Panic attack واوقات كتير أساليبي في محاربتهم بتفشل وبستسلم للنوبات! - رحلة 10 سنين تقريباً مع "الكلاب السعرانة الل...

من شرفة القمر إلى دهاليز العقل

أتأمل البدر المكتمل من مقعدي الخلفي في السيارة، أتابعه طوال الطريق وهو يمرّ من وسط الغيوم إلى السماء الصافية، وهكذا دواليك. أتابعه ببلاهة طفلٍ في الرابعة من عمره، يظن فرِحًا أن القمر يتبعه أينما ذهب تربطني بالقمر علاقة لا أفهمها كثيرًا، لكني أحبها. أعشق مشاهدة البدر، ويمكنني أن أحدق فيه لساعات دون ملل. وعلى الرغم من معرفتي بأن القمر لا يسير معي حقًا، إلا أنني أنزعج كثيرًا حين تحجبه الأبراج والعمارات العالية عني فجأة! أكره القاهرة في معظم الأوقات لأسباب عديدة، وربما كانت هذه من أبرزها . على مدار أعوام، كان القمر صديقي الوحيد، لا يملُّ منّي.  أنا صاحبة العقل الذي لا يهدأ ولا ينام. أحدثه كثيرًا، وأصمت أكثر عندما تتداخل الأفكار في رأسي، وتغمرني مشاعر متناقضة لا أستطيع التعبير عنها . تعلمت مؤخرًا دعاءً أكرره يوميًا: "اللهم اصرف عني شتات الأمر والعقل والتفكير". أتمسك به كلما عدت من شرود طويل بين مئات الأفكار والتساؤلات . مؤخرًا، وصفني أحدهم بأنني هادئة. وقالت لي أخرى إن والدتها تتمنى ابنة مطيعة مثلي! أثار الأمر دهشتي لوهلة، ومرَّ أمام عيني شريط طويل من المواقف - بطول سنواتي الأرب...

في وصف حالة "علي ما يبدو وتقريباً كده" !

ولأننا مش واثقين في حاجة/حد بشكل كامل فـ بتفضل تعاملاتنا كلها بين قوسين اسمه " تقريباً او Almost" فـ نكررها أكتر من مرة في وسط كل جملة بنقولها ! فأقولك إني تقريباً قربت أوصل للبيت، وتقريباً كده أنا أتغيرت .. وإني تقريباً بتضايق لما يتقال ولو بالهزار إني "مسترجلة" مع أنها حقيقة مقدرش أنكرها! او إني تقريباً مبعرفش أعبر عن اللي جوايا صح غير بالكتابة! و إني تقريباً كده انا لسه بحبك وفكراك!  و أني كنت تقريباً بشم ريحة اللي بحبهم لما يطول غيابهم عني، لكني تقريباً فقدت حاسة الشم !  وأني ساعات ببقي تقريباً مبسوطة وراضية بكل تفصيله في حياتي لدرجة إني مبفهمش هو أنا كنت متضايقة ليه؟!  وإن تقريباً اللون الأزرق لوني المفضل او يمكن الرمادى، فعلاً معرفش! او إني تقريباً بحب الـ random photos اللي بتكون علي ألبوم الموبايل وبسرح فيها بالساعات وإن تقريباً نفس الصور اللي  بتضحكنى بتسبب لي حزن كبير!  "تقريباُ" عند اللي زي مش مجرد كلمة كده والسلام ، هى أقرب مايكون لـ وصف حالة بنعيشها ! وصف لـ خط النص، مابين القرب او البعد الكامل!  it's " Almost "  but not...