كل واحد فينا دايما بيبقي عندنا إحساس مميز ناحية شخص ما في حياته بيخليه يقول عليه شخص مش هيتكرر تاني في حياته.. ويبدأ يحطه في خانة لوحده ويصنفه تصنيف خاص جداً بعيد عن اي حد تاني بيتعامل معاه، فهل فعلاً في شخصيات بنقابلها في حياتنا مينفعش تتكرر ولا تتبدل بحد تاني ؟!
من فترة كبيرة قريت مقالة لـ عمر طاهر اتكلم فيها عن نفس الفكرة دي، ووضح إجمالاً يعني انه بيشوف الناس في حياته ألوان.. كل شخصية ليها لونها وطبعها الخاص، وممكن ان لون يحل محل التاني بس عمره ابدا ما هيكون زيه بالضبط!
يمكن يكون وصف عمر طاهر هو الأقرب للي بحس أنا بيه ناحية اللي حواليا..
أنا مش مقتنعة إن الحياة بتنتهي مع فراق بني آدم معين، او إن ربنا مش بيعوض الفراق ده ببني آدم تاني! بالعكس الحياة في أغلب الأحوال بتستمر.. لكن هل إحنا بنعرف نكمل زي الحياة ولا نقف محلك سر ولا بنتغير عشان نعرف نكمل ؟
انا شخصياً بحس انه مع الفراق كل واحد فينا لـ شخصية - من اللي بنقول عليهم مميزين دول - في حتة بتنقص من روحه وبتمشي مع اللي مشي ، او ممكن تقول ان شخصيتك اللي مكنتش بتظهر غير مع الشخص ده مبتظهرش تاني مع حد وساعاتها يبدأ شعورك بالأفتقاد للشخص ده ولنفسك معاه..
سموه "رفيق الروح" او Soulmate او My person ، التسمية مبتفرقش كتير.. المهم ان الشخص ده مهم وان الحياة محتاجاه يكون جنبك !
في مشهد من مسلسلي المفضل Grey's Anatomy بين أليكس وميرديث كانوا بيتكلموا عن موضوع الـ Soulmate و فكرة الحب الحقيقي الوحيد اللي بيجي عادة مرة واحدة ومش بيتكرر تاني ، ولأن ميرديث واحدة من الناس اللي خسرت كتير جداً فى حياتها ومع ذلك فضلت مستمرة ومكملة فهي مؤمنة بأن الحياة عموماً بتستمر غصب عننا ، ولما سألها what was Derek ؟! اللي هو حبيب عمرها وأبو أولادها اللي توفي وقالها انتي عايزة تقنعيني ان العلاقة اللي كانت بينكم دى ممكن تتكرر تاني ؟! سكتت ثواني وبعدها قالت That was different.. هي فاهمة إن اللي عاشته مع الشخص ده مش هيتكرر تاني ، مش لأن الشخص اللي راح ده كان مميز جدا من حيث الصفات والشكل وما إلي ذلك ولكن لأن الشخص ده ساعدها تتغير للأحسن وعلاقتها بيه خلقت منها شخصية تانية عمرها ما كانت تتخيل أنها هتكونها في يوم!
أحد أصدقائي المقربين كان علي علاقة ببنت أعرفها -ولأسباب ما متعلقة بيهم- علاقتهم مكملتش ، لكنه دائماً يقولي أنا عارف إنها مش أجمل بنت في العالم ولا أحسن بنت فى العالم وإني أكيد هعرف بعدها كتير لكني هفضل ممتن ليها.. ممتن لظهورها ووجودها في حياتي ولو لفترة قصيرة.. ولما سألته عن السبب؟! كان رده إنها أول بنت يحس إنه محتاج يتغير للأحسن معاها ويفكر في مستقبله بشكل تاني..
ومش شرط علي فكرة تكون الشخصية المميزة دى هي الحبيب، أعرف ناس كتير يعتبر اقرب ناس ليهم هو الأب وأحيانا بتكون الأم وأحيانا آخري بيكون صديقك المقرب، يعني أنا شخصيا My person هي "هبه" أنا مقدرش أقول عليها صاحبتي عشان إحنا مش أصحاب ! هى عيلتي ، هى جزء من روحي ، هى مرايتي ، هي الكتف اللي بسند عليه راسي وأرتاح ، وأكتر مخلوق الدنيا محتاجاه جنبي عشان تمشي مظبوط.. "هبه" هي اللي بتفتكرني وهي بتصلي وبتدعيلي وهي اللي لو مت هتفتكرني دايماً وتقرأ على روحي قرآن ، هي أكتر شخص قابلني علي كل عيوبي وكل أحوالي، هي اللي عرفاني بشكل مخيف جداً ومريح جداً في نفس ذات الوقت !
إحنا بنكبر ومع الوقت بنفهم إن في ناس في حياتنا غير اي ناس ، ناس وجودهم معاك وجنبك بيخلي حياتك ماشية سلسة as easy as breath زي ما بيقولوا كده ، ناس الفضفضة معاهم والكلام معاهم سهل ، ناس عارفة روحك وفهماك بشكل مرعب بس انت مبتخفش من ده بالعكس أنت بتطمن أكتر ،لأن الناس دى أمانك وهما اللي عمرهم ما هيستغلوا حبك ليهم بطريقة غلط ولا يجرحوك.. كل الحب للناس زي كده ♥
من فترة كبيرة قريت مقالة لـ عمر طاهر اتكلم فيها عن نفس الفكرة دي، ووضح إجمالاً يعني انه بيشوف الناس في حياته ألوان.. كل شخصية ليها لونها وطبعها الخاص، وممكن ان لون يحل محل التاني بس عمره ابدا ما هيكون زيه بالضبط!
يمكن يكون وصف عمر طاهر هو الأقرب للي بحس أنا بيه ناحية اللي حواليا..
أنا مش مقتنعة إن الحياة بتنتهي مع فراق بني آدم معين، او إن ربنا مش بيعوض الفراق ده ببني آدم تاني! بالعكس الحياة في أغلب الأحوال بتستمر.. لكن هل إحنا بنعرف نكمل زي الحياة ولا نقف محلك سر ولا بنتغير عشان نعرف نكمل ؟
انا شخصياً بحس انه مع الفراق كل واحد فينا لـ شخصية - من اللي بنقول عليهم مميزين دول - في حتة بتنقص من روحه وبتمشي مع اللي مشي ، او ممكن تقول ان شخصيتك اللي مكنتش بتظهر غير مع الشخص ده مبتظهرش تاني مع حد وساعاتها يبدأ شعورك بالأفتقاد للشخص ده ولنفسك معاه..
سموه "رفيق الروح" او Soulmate او My person ، التسمية مبتفرقش كتير.. المهم ان الشخص ده مهم وان الحياة محتاجاه يكون جنبك !
في مشهد من مسلسلي المفضل Grey's Anatomy بين أليكس وميرديث كانوا بيتكلموا عن موضوع الـ Soulmate و فكرة الحب الحقيقي الوحيد اللي بيجي عادة مرة واحدة ومش بيتكرر تاني ، ولأن ميرديث واحدة من الناس اللي خسرت كتير جداً فى حياتها ومع ذلك فضلت مستمرة ومكملة فهي مؤمنة بأن الحياة عموماً بتستمر غصب عننا ، ولما سألها what was Derek ؟! اللي هو حبيب عمرها وأبو أولادها اللي توفي وقالها انتي عايزة تقنعيني ان العلاقة اللي كانت بينكم دى ممكن تتكرر تاني ؟! سكتت ثواني وبعدها قالت That was different.. هي فاهمة إن اللي عاشته مع الشخص ده مش هيتكرر تاني ، مش لأن الشخص اللي راح ده كان مميز جدا من حيث الصفات والشكل وما إلي ذلك ولكن لأن الشخص ده ساعدها تتغير للأحسن وعلاقتها بيه خلقت منها شخصية تانية عمرها ما كانت تتخيل أنها هتكونها في يوم!
أحد أصدقائي المقربين كان علي علاقة ببنت أعرفها -ولأسباب ما متعلقة بيهم- علاقتهم مكملتش ، لكنه دائماً يقولي أنا عارف إنها مش أجمل بنت في العالم ولا أحسن بنت فى العالم وإني أكيد هعرف بعدها كتير لكني هفضل ممتن ليها.. ممتن لظهورها ووجودها في حياتي ولو لفترة قصيرة.. ولما سألته عن السبب؟! كان رده إنها أول بنت يحس إنه محتاج يتغير للأحسن معاها ويفكر في مستقبله بشكل تاني..
ومش شرط علي فكرة تكون الشخصية المميزة دى هي الحبيب، أعرف ناس كتير يعتبر اقرب ناس ليهم هو الأب وأحيانا بتكون الأم وأحيانا آخري بيكون صديقك المقرب، يعني أنا شخصيا My person هي "هبه" أنا مقدرش أقول عليها صاحبتي عشان إحنا مش أصحاب ! هى عيلتي ، هى جزء من روحي ، هى مرايتي ، هي الكتف اللي بسند عليه راسي وأرتاح ، وأكتر مخلوق الدنيا محتاجاه جنبي عشان تمشي مظبوط.. "هبه" هي اللي بتفتكرني وهي بتصلي وبتدعيلي وهي اللي لو مت هتفتكرني دايماً وتقرأ على روحي قرآن ، هي أكتر شخص قابلني علي كل عيوبي وكل أحوالي، هي اللي عرفاني بشكل مخيف جداً ومريح جداً في نفس ذات الوقت !
إحنا بنكبر ومع الوقت بنفهم إن في ناس في حياتنا غير اي ناس ، ناس وجودهم معاك وجنبك بيخلي حياتك ماشية سلسة as easy as breath زي ما بيقولوا كده ، ناس الفضفضة معاهم والكلام معاهم سهل ، ناس عارفة روحك وفهماك بشكل مرعب بس انت مبتخفش من ده بالعكس أنت بتطمن أكتر ،لأن الناس دى أمانك وهما اللي عمرهم ما هيستغلوا حبك ليهم بطريقة غلط ولا يجرحوك.. كل الحب للناس زي كده ♥
تعليقات
إرسال تعليق