التخطي إلى المحتوى الرئيسي

من حكايات نون "الجزء الثانى"


واذكر في هذا المقام.. ان كل كاتب محترف او حتي هاوي في الاصل بيكون بياع كلام.. وانا هاوي اه لكني شاري مش بياع .. وفاتح قلبي على المشاع.. فـ باخد من كل حلو بقابله حته وأمدله كفى بـ ورود.. وفي يوم صدفة شوفتك ومكنش فى بالى نبقى صحاب ، عادى اتنين مجانين _مش سكة بعض اصلا_ فـ طبيعى نكون أغراب!وتمر شهور وايام واقابلك تانى صدفة فى سكتى وساعتها تبقى صاحبتى! لأ وكمان قلبي يتعلق بيكى كأنه عرفك من ألف عام! وكأن روحي وروحك كانوا اصحاب من قبل م نتقابل بسنين وايام.. ياحلوة الملامح والطبع فيكي الخفة.. ياحبيبة السينابون واي حاجة عليها قرفة .. 
صباحك خير ياذات الاربع وعشرين ربيعاً .. صباحك عمر بيطير سريعاً هنصغره برقم 6 فنشيل من الزمن حته ، ونرجعه بالعافية لورا.. ونقول للحزن يقصروا فياخد بعضه ويمشي ،ووشك الضحكة تنوره..
ونرجع تانى نحكى عن نون ذات الصوت الحنون وحلمها انها تلف الكون وعشقها للبحر وخوفها منه وقلبها اللى مليان تفاصيل أكبر من سنه.. ولأنى مهما زودت فى الكلام مش هعرف اكتب نصّ يحسسنى بالكمال! فـ خلينا ننزل بالمثال "إلى البنت اللى قسمت معايا نص النص فى رغيف الفول" ونص النص فى السرمحة والسنكحة والغرق فى تفاصيل حلوة ووحشة بمقدار فوق المعقول! إليكٍ مزيكا السنة دى فى عيد ميلادك.. 
وكلمة أخيرة وخليها سر "أنا ممتنة لوجودك على طول" 


تعليقات

  1. انا اول مرة اجى هنا ومش هتكون الاخيرة
    الكلام ده عظيم

    ردحذف
  2. تنورنا ياسيدى عالطول ^-^

    ردحذف

إرسال تعليق

المشاركات الشائعة من هذه المدونة

كيف ‏بدأت ‏نوبات ‏القلق

- بداية الـ anxiety disorder معايا كانت تقريباً من 2010 .. كنت لسه في الجامعة وبدأت أدخل في دوامة اكتئاب بسيطة سببتلي أرق بشع ( كنت بنام ساعتين في اليوم مثلاً) وانعدام الرغبة في الأكل. - في أواخر 2012 الـ anxiety بدأ يسببلي مشاكل واضحة في المعدة، وبقي سهل جداً لو توترت زيادة عن اللزوم اجيب كل اللي اكلته! ووقتها وزني نزل من 87 لـ 77 في فترة أقل من شهر! - في 2015 عرفت الـ Panic attack لأول مرة. جاتلي في الشغل! والشهادة لله دي كانت أعنف مرة. بدأت بعياط هادي وبعدها ضيق تنفس ثم انخفاض حرارة الجسم مع رعشة ثم رؤية ضبابية بالكامل ودوخة مع زيادة ضيق التنفس! افتكرت يومها اني هموت خلاص. وعشان افوق منها اخدت وقت وباقي اليوم كنت مرهقة جداً ونفسي تقيل. - في 2018 مشاكل الأرق بدأت ترجع وقررت احاربها بممارسة الرياضة 3 ساعات على الأقل يومياً. كنت بخلص شغل، اروح الجيم، اروح البيت اخد شاور وانام! وده بالنسبالي كان يوم عظمة! -من 2019 وطبعاً خلال 2020 بعاني بشكل شبه يومي مع الـ anxiety وال Panic attack واوقات كتير أساليبي في محاربتهم بتفشل وبستسلم للنوبات! - رحلة 10 سنين تقريباً مع "الكلاب السعرانة الل...

من شرفة القمر إلى دهاليز العقل

أتأمل البدر المكتمل من مقعدي الخلفي في السيارة، أتابعه طوال الطريق وهو يمرّ من وسط الغيوم إلى السماء الصافية، وهكذا دواليك. أتابعه ببلاهة طفلٍ في الرابعة من عمره، يظن فرِحًا أن القمر يتبعه أينما ذهب تربطني بالقمر علاقة لا أفهمها كثيرًا، لكني أحبها. أعشق مشاهدة البدر، ويمكنني أن أحدق فيه لساعات دون ملل. وعلى الرغم من معرفتي بأن القمر لا يسير معي حقًا، إلا أنني أنزعج كثيرًا حين تحجبه الأبراج والعمارات العالية عني فجأة! أكره القاهرة في معظم الأوقات لأسباب عديدة، وربما كانت هذه من أبرزها . على مدار أعوام، كان القمر صديقي الوحيد، لا يملُّ منّي.  أنا صاحبة العقل الذي لا يهدأ ولا ينام. أحدثه كثيرًا، وأصمت أكثر عندما تتداخل الأفكار في رأسي، وتغمرني مشاعر متناقضة لا أستطيع التعبير عنها . تعلمت مؤخرًا دعاءً أكرره يوميًا: "اللهم اصرف عني شتات الأمر والعقل والتفكير". أتمسك به كلما عدت من شرود طويل بين مئات الأفكار والتساؤلات . مؤخرًا، وصفني أحدهم بأنني هادئة. وقالت لي أخرى إن والدتها تتمنى ابنة مطيعة مثلي! أثار الأمر دهشتي لوهلة، ومرَّ أمام عيني شريط طويل من المواقف - بطول سنواتي الأرب...

في وصف حالة "علي ما يبدو وتقريباً كده" !

ولأننا مش واثقين في حاجة/حد بشكل كامل فـ بتفضل تعاملاتنا كلها بين قوسين اسمه " تقريباً او Almost" فـ نكررها أكتر من مرة في وسط كل جملة بنقولها ! فأقولك إني تقريباً قربت أوصل للبيت، وتقريباً كده أنا أتغيرت .. وإني تقريباً بتضايق لما يتقال ولو بالهزار إني "مسترجلة" مع أنها حقيقة مقدرش أنكرها! او إني تقريباً مبعرفش أعبر عن اللي جوايا صح غير بالكتابة! و إني تقريباً كده انا لسه بحبك وفكراك!  و أني كنت تقريباً بشم ريحة اللي بحبهم لما يطول غيابهم عني، لكني تقريباً فقدت حاسة الشم !  وأني ساعات ببقي تقريباً مبسوطة وراضية بكل تفصيله في حياتي لدرجة إني مبفهمش هو أنا كنت متضايقة ليه؟!  وإن تقريباً اللون الأزرق لوني المفضل او يمكن الرمادى، فعلاً معرفش! او إني تقريباً بحب الـ random photos اللي بتكون علي ألبوم الموبايل وبسرح فيها بالساعات وإن تقريباً نفس الصور اللي  بتضحكنى بتسبب لي حزن كبير!  "تقريباُ" عند اللي زي مش مجرد كلمة كده والسلام ، هى أقرب مايكون لـ وصف حالة بنعيشها ! وصف لـ خط النص، مابين القرب او البعد الكامل!  it's " Almost "  but not...