التخطي إلى المحتوى الرئيسي

انا بحب.. تخيل يامواطن!!


المشاعر الإنسانية بالنسبالي كانت ولا تزال شئ معقد جداً على الرغم من بساطتها الظاهرية لمعظم الناس.. والموضوع بدء معايا من بدري للأسف فكنت بتنح كده قدام مشاعر كتير مش قادرة افهم مصدرها ايه..؟! يعني مثلاً ايه اللي يخلي ام فلان الفلاني مستحملاه وهو عيل غتت جدا وسنتيح جدا ومفيش حد بيطيقه!! فيكون الرد الطبيعي ساعتها عليا بأن دي أمه ولازم تحبه.. فأتنح اكتر ومفهمش..!!
طيب ايه اللي كان بيخلي بابا يصحى من عز نومه على صوتي لما كنت صغيرة وانا بعيط ويقف جنبي يقرالي قرآن لحد م اهدي وانام وهو وراه تاني يوم شغل واصلا نايم تعبان جدآ..!!
ماما تقولي علشان بيحبك طبعاً!!
ايوه يعني معلش ايه الحب الغتت ده..!!
طيب ليه بقي لازم اساعد اخواتي في أي حاجة بيعملوها؟!  علشان لما تساعديهم هيحبوكي وهتحبيهم اكتر..!!
ايوه وبعدين يعني.. هو ايه اساسا الحب ده؟!
ايه الشعور العجيب جدا ده اللي بيخلي الناس تتصرف تصرفات مش منطقية أحيانآ كتير.. يعني مثلاً ايه اللي يخلي صاحبك يصحى من عز النوم على مكالمة منك تعالالي انا عايزك فيسيب الدنيا ويجيلك جرى..
ايوه ايه برضك الشعور ده اللي ممكن يخليك تلف على محلات الهدايا محل محل وتفضل تدور على هدية معينة عايزها علشان تديها للبنت دي بالذات واللي انت عارف انها هتفرح بيها جدآ..
قالك اصل ده حب..!! وانا بقى مكنتش بفهم ازاي يعني ده حب..؟! بس اللي غير الدنيا كلها معايا وخلاني افهم اكتر هو اني اكتشفت اني بحب ❤ اه والله بحب!!
بحب ناس كتير حواليا.. لأ وبحبهم جدا جدا..
لدرجة بتخليني انا كمان اتشقلب علشان أشوفهم مبسوطين، علشان اخليهم يضحكوا، علشان اكتشفت ان ساعات مش مهم تكون انت اللي فعلا مبسوط بس مهم ناس معينه في حياتك تبقى مبسوطة علشان انت تنبسط..
معدلة بسيطة جدا جدا!! يمكن انا لسه لحد دلوقتي بتنح قدام أفعال كتير عجيبة جداً بالنسبالي وبرضك بتتصنف حب.. بس انا قدرت اكون ايمان كبير بالنظرية.. نظرية الحب اللي مش مفهوم ده جه منين ولا ازاي ولا امتى..؟! بس فجأة لقيناه جوانا ولقينا تصرفاتنا وحياتنا بتتغير على أساسه للأحسن ولا للأسوء بقي مش مهم. . المهم اننا بنحب ونكدب لو قلنا مبنحبش..!  
لذلك الكلام ده موجه بعمق مني لكل اللي بحبهم وللي عرفوني وفهموني معنى إني أكون بحب ❤ للناس اللي بحب وجودها في تفاصيل يومي.. والناس اللي ضحكتها بتظبط الجو العام لمزاجي.. والناس اللى حلوين اوي ف غصب عنك بتبقى حلو زيهم.. والناس اللي قعدتي معاهم بالدنيا وما فيها.. والناس اللي بحب حضنها وحضنهم بيحبني اكتر.. والناس اللي حياتي في دقات قلوبها.. انا ممتنة جدا ليكم ❤❤
التسميات:

تعليقات

إرسال تعليق

المشاركات الشائعة من هذه المدونة

الحمدلله الذى أذهب عنا الحزن

كنت أحارب العالم بداخلي وخارجي. أحارب نفسي وأفكاري وهذه أخطر وأكبر قوة على الإطلاق! أحارب ما يقابلني من سوء وقبح وجهالة. كنت أدور في دوائري متخبطة ويزداد طريقي عتمة، كنت أحاول التمسك بشيء ليرشدني وأن أحاول العبور بخفة، حاولت أن أفكك رابطة الخيوط، أن أخفض الأصوات برأسي وكلما جن علي الليل أجدها تعبث بي مجددا! كنت أتفاعل كما الالات حتى أقاوم السقوط! لا أشعر بمرور الوقت، لا أتذوق الطعام، لا أفكر في الكلمات! وبرغم كل محاولاتي لم يهدأ إحساسي بالوحشة والغرابة! كل ما كنت أتمناه كان السلام وأن تهدأ تلك الأصوات برأسي، حتى أتمكن من عبور العاصفة! حاولت إغلاق كل النوافذ والأبواب كي أنعم بالأمان والدفء، حتى تسللت إلى الظلمة واعتنقتها أنا مستسلمة! أصبحت أؤرخ حياتي بلحظات التعاسة فقط! اللحظة التي فقدت فيها إيماني الساذج بالبشر. اللحظة التي فقدت فيها ثقتي بالآخرين، كل الآخرين! اللحظة التي أدركت فيها أن عشرتي وموضع ثقتي لا تراني سوى فترة ستنتهي عاجلا أم آجلا! اللحظة التي أدركت فيها أني قد عشت ثلاثين عاما مثقلة بهموم معاركي الخاسرة! كنت أعيد تكرارها علي نفسي وأزيد في جلدها، لم يعد لي منها مهربا، كنت أنا
إرسال تعليق
قراءة المزيد

احببتــك..ولكنك خـذلتنــى

نحن لانكره الا من احببناهم بقوة..الا من وثقنا بهم يوما.. لانكره الا هولاء الاشخاص..الذين خذلوا حبنا وثقتنا بهم.. لانكره الاهولاء الذين سمحنا لهم برؤية قلوبنا على حقيقتها.. بعدما سمحنا لكلماتهم ان تمس مشاعرنا وتكون جزء من محبتنا لهم.. نحن لانكره بقوة..الا من احببناهم بقوة..وامعنوا فى خذلان قلوبنا بقوة.. والوقت وحده هو القادر على ان يشفى جرحنا منهم..
إرسال تعليق
قراءة المزيد

اكرهــك بقدر حبى لك...واحبـــك بقدر كرهى لك..!!

أتدرى..أشعر احيانا بأنك القيت لعنة على عتبات قلبى ان ترحل.. لعنة اصابت المسكين فى مقتل.. فلا ذكراك بــ مغادرة لــ حوائطه.. ولا تاركة المكان لغيرها من الذكريات كى تحل محلها..!! لا احبك..اكررها مرار.. لا اريدك.. يكررها قلبى الالاف المرات.. ومع هذا لا انساك.. انت فى قلبى.. فى عقلى.. تملوء اى شئ فارغ او كان ممتلئ..!! اكرهك.. اعيدها على نفسى كلما اتت على ذكرك.. ابدأ فى تلقين قلبى كلمات غاضبة حانقة عليك.. اذكره بكل ماكان من قسوتك وجراحك فيه.. كل ماقلته وكل مالم تقوله.. ولكن الاشواق لاتهدأ ولا تندمل..!! اكره كل شئ يذكرنى فيك.. العنه.. ثم اعود فـ أقول لنفسى وهل مر يوما لم تتذكريه فيه.. وهل مر شيئا عليكى لم يثير بداخلك ذكراه..!! انت حى بداخلى.. وانا ميتة من الداخل والخارج.. انت تعبث بمشاعرى وقلبى حتى فى غيابك..!! وانا لاحيلة لى عليهم ولا امرا..!! انت صداع بداخل عقلى.. تؤرق نومى.. ترهق تفكيرى.. اتذكرك فى كل شئ.. حتى كرهت ولعنت احب الاشياء لى..!! اكرهك.. لااحبك.. لا اريدك.. ومع هذا انتظر عودتك.. واتمنى حقا الا تأتى..!!!! فهل رأيت يوما انسانا بداخله كل هذه المشاعر الم
إرسال تعليق
قراءة المزيد