لكل واحده بشعرها او قررت تكون بشعرها انتي في نظر المجتمع "عاهره ماشيه ع حل شعرك .. شوفيلك كباريه روحيه اخر الليل"
متتخضيش هما شايفينك كدا بالظبط
في حين انهم عارفين ان ممكن تبقي مغطيه كل جسمك ومفيش شعره باينه منك وبتعملي كل الحاجات الغلط والحرام في الدنيا ونفسيه و بتكرهى الخير لغيرك وبتكدبي وما الى اخره .. لا ومش بس كدا .. دا الانكت بقي ان كل دا ممكن يتعمل في وضح النهار وفي عز الشمس مش محتاجه "تكوني بالليل في كباريه"
في حين ان البنت اللي من غير حجاب ممكن تكون مبتكدبش - مبتصاحبش - متحبش تتكلم ع واحده صاحبتها - اخلاقها عاليه - محترمه - وكل اللى اتعاملوا معاها بيقدروها .. بس هي من غير حجاب !
كونها قررت تكون بشعرها دا هيخليها تتحط في خانه "اللامؤخذه شمال" حتي لو مكنتش كدا !!
كونها قررت تكون بشعرها دا هيخليها تتحط في خانه "اللامؤخذه شمال" حتي لو مكنتش كدا !!
لكل الناس اللي بنص عقل..
اللي عاوز يعمل حاجه هيعملها في الوقت اللي هو عاوزه .. الاساس ع التربيه والاخلاق مش مشكله هي لابسة ملس ولا شعرها باين
دا غير انك متعرفش الصوره الكامله عن كل اللي بتشوفهم بلاش تحكم ع غيرك مدام متعرفش تفاصيل حياته ولو حتى كنت قريب منه انت متعرفش جواه ايه! فأرجوك خليك في نفسك متشوهش صوره حد جواك لمجرد ان شكل لبسه مش ع مزاج معاليك !!
دا غير انك متعرفش الصوره الكامله عن كل اللي بتشوفهم بلاش تحكم ع غيرك مدام متعرفش تفاصيل حياته ولو حتى كنت قريب منه انت متعرفش جواه ايه! فأرجوك خليك في نفسك متشوهش صوره حد جواك لمجرد ان شكل لبسه مش ع مزاج معاليك !!
العهر مش في اللبس العهر في الدماغ ..!
- هجره يارب لاي مكان فيه بني ادمين بعقل كامل -
تعليقات
إرسال تعليق