متقولش عادي ، ده كل وقت وليه آذان !
متقولش عادي بكرة هنسي ، دي ذكرياتك في كل ركن ع الحيطان !
متقولش البعد هيداوي جراحي ويشفيها..
متقولش ان عيوني هتبطل تبكي عليك من نفسيها..
متقررش لوحدك وتنسي اننا اتنين ،
كانوا عايشين روح واحدة واضطروا يتفرقوا في طريقين !
ولأن خارجة الروح بموتة فأسمحلي ع الأقل أرثي وجعي بكلمتين !
من غير تقليل لقيمة اللي كان ، ومن غير تأنيب علي وعود قطعناها زمان !
من غير ما نبان قاسين اوي وجافين اوي في حقك بعض !
وقبل اما يصبح كل اللي بينا فراق وبعد..
ايوه انا اخترتك وحبيتك ، بس اللقا والفراق نصيب !
لان الحب ساعات مبيكفيش برغم ان محدش زي كان ليك قريب !
وهقابل مهما هقابل ، واعرف كتير واحب..
واقابلك في يوم صدفة ف قلبي يدق ويحن..
وافتكرك ببسمة متدارية جوا العيون ميفهمهاش حد غيرك !
وتقولي فاكر ايام زمان ، فأضحك وأقولك كل وقت وليه آذان !
تعليقات
إرسال تعليق