ولأنها تفاصيل بتوجع ، بتفضل جوه القلب مترضاش تطلع..
وتبان في لمعة حزن في عينها ، مش هتظهر الا لو ضغطت عليها..
وضمتها في حضنك بالعافية ، ودخلت معاها في دور قافية ، وألشت عليها في كل كلامها..
هي اللي بتضحك في عز وجعها علي كل أحزانها..
وقعدتها المفضلة سكون ليل ونوارة قمر ونجوم ،
هي وكتبها وهاند فري وتراك مزيكا لحد م يجي ميعاد النوم..
تنام تحلم.. وتصحي بصدي الحلم شايفة صباحها حلو ، ويتغير مزاج الكون علشان يناسب روقان سعادتها..
نصيبها من اسمها النور ، تكون طاقة محبة وخير لغيرها مع أنها بتتكعبل كتير في سكتها..!
هي اللي من كتر بساطتها فنجان قهوة زيادة معمول مخصوص بيبسطها والفرحة تنط من عنيها علي بالونة هيليوم وشيكولاتة كانوا مستنينها تحت بيتها..!
عرفتها لمدة يوم.. اتنين.. اسبوع.. شهر.. سنتين فأنت اكيد حبيتها.. ❤
نون حكاية قلب صغير أحلامه كتير.. نون بتحب البحر وصوت غالية بن علي وبتشجع النادي الأهلي بضمير !
نون توته بدون سكر ، مش هاتخلص حتي لو خلصت الحدوتة !صدقينى لما أقولك رقم 5 هيعجبك.. ويحسسك انك لسه صغنطوطة !
تعليقات
إرسال تعليق