التخطي إلى المحتوى الرئيسي

زى النهــاردة من سنـــــة

زى النهاردة من سنة كنت انا وانت ياحبيبى هنا فى نفس المكان..وعدتنى هيفضل حضنك يضمنى وهتفضل عمرك تحبنى   واحساسك مش هيغيره الزمان..وطلع ده كله كلام

زى النهاردة من سنة مسكت ايدى وحضنتها بأيديك..ملت عليها وبوستها برقة وقولتلى بكل شوق ودفا بعنيك انى اجمل احساس صادفته وحبيته..وانى حبى ليك اعظم هدية من ربنا وانك هتعيش علشان تسعدنى انا..وصدقت انا وهم الاحلام

زى النهاردة من سنة انا مكنتش انا..كنت حد تانى علشانك..كان طموحى تحقق كل احلامك ومش مهم انا..زى النهاردة من سنة..حبيتك وكنت الاول والاخير عندى..حبيتك واديتك ومسألتش انا ليه بضحى وبعدى..انا ليه لازم انسى كل حاجة حلمتها علشانى ولنفسى..وماأفكرش فى احلام غير احلامك..انا احبك وتهين كرامتى واهو كله يهون علشانك ويعدى..وليه تبقى انت سبب عذابى وحيرتى ودموعى واكون انا الحبيبة اللى دورها تلون ايامك..وافتكرت انت انى رضيت بالعذاب علشان بحبك وبان ضعفى قدامك..

زى النهاردة انا كنت ناوية اكمل عمرى كله معاك..ومكنش ف بالى الحكاية تخلص بالفراق..ونبقى انا وانت ذكرى معرفش ان كانت حتى وحشة ولا جميلة..معرفش لان حكايتى مع اشواقى ليك لسه طويلة..مش هرجعلك ولا حتى هرضى ترجعلى.. ولا عاد ينفع يجمعنا تانى نفس الطريق..رغم ان لسه فى القلب حبه ليك..بس ميكفوش تلعب بيهم حتى دور الصديق..كل ذكرى حلوة بفتكرها ليك مبلحقش افرح بيها..بتجرى وراها ذكرى دموع كتيير  سببها جراح لسه القلب مش قادر يداويها..

زى النهاردة من سنة اتكتب على قلبى انا يفضل فاكرك ولا عارف اذا كان كرهك ولا لسه بيحبك..

تعليقات

المشاركات الشائعة من هذه المدونة

كيف ‏بدأت ‏نوبات ‏القلق

- بداية الـ anxiety disorder معايا كانت تقريباً من 2010 .. كنت لسه في الجامعة وبدأت أدخل في دوامة اكتئاب بسيطة سببتلي أرق بشع ( كنت بنام ساعتين في اليوم مثلاً) وانعدام الرغبة في الأكل. - في أواخر 2012 الـ anxiety بدأ يسببلي مشاكل واضحة في المعدة، وبقي سهل جداً لو توترت زيادة عن اللزوم اجيب كل اللي اكلته! ووقتها وزني نزل من 87 لـ 77 في فترة أقل من شهر! - في 2015 عرفت الـ Panic attack لأول مرة. جاتلي في الشغل! والشهادة لله دي كانت أعنف مرة. بدأت بعياط هادي وبعدها ضيق تنفس ثم انخفاض حرارة الجسم مع رعشة ثم رؤية ضبابية بالكامل ودوخة مع زيادة ضيق التنفس! افتكرت يومها اني هموت خلاص. وعشان افوق منها اخدت وقت وباقي اليوم كنت مرهقة جداً ونفسي تقيل. - في 2018 مشاكل الأرق بدأت ترجع وقررت احاربها بممارسة الرياضة 3 ساعات على الأقل يومياً. كنت بخلص شغل، اروح الجيم، اروح البيت اخد شاور وانام! وده بالنسبالي كان يوم عظمة! -من 2019 وطبعاً خلال 2020 بعاني بشكل شبه يومي مع الـ anxiety وال Panic attack واوقات كتير أساليبي في محاربتهم بتفشل وبستسلم للنوبات! - رحلة 10 سنين تقريباً مع "الكلاب السعرانة الل...

من شرفة القمر إلى دهاليز العقل

أتأمل البدر المكتمل من مقعدي الخلفي في السيارة، أتابعه طوال الطريق وهو يمرّ من وسط الغيوم إلى السماء الصافية، وهكذا دواليك. أتابعه ببلاهة طفلٍ في الرابعة من عمره، يظن فرِحًا أن القمر يتبعه أينما ذهب تربطني بالقمر علاقة لا أفهمها كثيرًا، لكني أحبها. أعشق مشاهدة البدر، ويمكنني أن أحدق فيه لساعات دون ملل. وعلى الرغم من معرفتي بأن القمر لا يسير معي حقًا، إلا أنني أنزعج كثيرًا حين تحجبه الأبراج والعمارات العالية عني فجأة! أكره القاهرة في معظم الأوقات لأسباب عديدة، وربما كانت هذه من أبرزها . على مدار أعوام، كان القمر صديقي الوحيد، لا يملُّ منّي.  أنا صاحبة العقل الذي لا يهدأ ولا ينام. أحدثه كثيرًا، وأصمت أكثر عندما تتداخل الأفكار في رأسي، وتغمرني مشاعر متناقضة لا أستطيع التعبير عنها . تعلمت مؤخرًا دعاءً أكرره يوميًا: "اللهم اصرف عني شتات الأمر والعقل والتفكير". أتمسك به كلما عدت من شرود طويل بين مئات الأفكار والتساؤلات . مؤخرًا، وصفني أحدهم بأنني هادئة. وقالت لي أخرى إن والدتها تتمنى ابنة مطيعة مثلي! أثار الأمر دهشتي لوهلة، ومرَّ أمام عيني شريط طويل من المواقف - بطول سنواتي الأرب...

في وصف حالة "علي ما يبدو وتقريباً كده" !

ولأننا مش واثقين في حاجة/حد بشكل كامل فـ بتفضل تعاملاتنا كلها بين قوسين اسمه " تقريباً او Almost" فـ نكررها أكتر من مرة في وسط كل جملة بنقولها ! فأقولك إني تقريباً قربت أوصل للبيت، وتقريباً كده أنا أتغيرت .. وإني تقريباً بتضايق لما يتقال ولو بالهزار إني "مسترجلة" مع أنها حقيقة مقدرش أنكرها! او إني تقريباً مبعرفش أعبر عن اللي جوايا صح غير بالكتابة! و إني تقريباً كده انا لسه بحبك وفكراك!  و أني كنت تقريباً بشم ريحة اللي بحبهم لما يطول غيابهم عني، لكني تقريباً فقدت حاسة الشم !  وأني ساعات ببقي تقريباً مبسوطة وراضية بكل تفصيله في حياتي لدرجة إني مبفهمش هو أنا كنت متضايقة ليه؟!  وإن تقريباً اللون الأزرق لوني المفضل او يمكن الرمادى، فعلاً معرفش! او إني تقريباً بحب الـ random photos اللي بتكون علي ألبوم الموبايل وبسرح فيها بالساعات وإن تقريباً نفس الصور اللي  بتضحكنى بتسبب لي حزن كبير!  "تقريباُ" عند اللي زي مش مجرد كلمة كده والسلام ، هى أقرب مايكون لـ وصف حالة بنعيشها ! وصف لـ خط النص، مابين القرب او البعد الكامل!  it's " Almost "  but not...