على الطـريقة النرمينية

حبى ليكى ..احساس عجيب معرفش اوصفه..وكرهى ليكى ده مش حقيقى..ده بس خوف زيادة عليكى من كل غلط بيحصل معاكى ونفسى احذفه..صدقينى انا نفسى مش عارف بحبك ليه..مرة بقول لانك بلدى..ومرة بقول لانك جزء من الايمان..ومرة لان حياتى كلها فيكى وذكرياتى معاكى مرسومة على الحيطان..ومرة لانك زى امى مقدرش ابعد عنها.. مهما اختلافنا فى الدماغ والافكار..بيفضل حضنها جزء منى لازم ارجع ليه مهما طال المشوار.. اوقات بكره حالك وافضل اسب والعن كتير..اكره الظلم والعدوان والقسوة وانعدام الضمير.. انزل الشارع واصرخ..وابقى نفسى اقابل ظالم او مفترى عليا وعليكى وانا اعرفه ان بلدى شعبها كرامته عنده تساوى كتير.. بنزل وبثور بعلو الصوت..انا مش هعيش مكسور..مش هعيش محنى راسى ومطاطى..مش هعيش عبد والخرفان ساداتى..مش هرضى بالظلم لأ..ولو كان التمن الموت.. امـــوت امــــوت..ولا انك تذلنى وتضمن سكــــاتى.

عارف ايه معنى انك تخاف من خوفك..؟!يعنى بدل ماتخاف بس وده احساس طبيعى جداا..تبدى تخاف من انك فعلا تخاف..!! مفهمتش صح..!! افهمك..اصل الحكاية دى بتحصلى كتييير مع الاسف..وهى كده حالة من الخوف المركب..يعنى مثلا خوفك من انك تفقد الحد اللى انت بتحبه يخليك تفقده فعلا..!! وخوفك من احلامك لتطير منك مهما جريت وراها..يخوفك فعلا..وتبدى دايما تشوف نفسك فى واقع ضياع احلامك منك واستحالة تحقيقها..وده طبعا هديك دفعة قوية من الاحساس بالفشل..مع انك اغلب الظن ممكن تكون لسه معملتش حاجة اصلا..بس اهو كده فشل وخلاص (بتنكد على نفسك من الاخر)..ووقتها برضه مينفعش تزعل لان معنى انك حاسس بالفشل ده ممكن يديلك دفعة لانك تكون ناجح..الا بقى لو انت حد فقرى وساعتها دى مش مشكلتنا.. ونرجع مرجعونا للخوف..الحالة دى او نوعية المشاعر دى مش محتاجة لتعريف او كلام علمى مكلكع..لان معتقدتش ان فى حد ميعرفش الخوف ولا يعرف توابع الخوف..اللى هى ردود افعالنا ناحيته واللى بالتبعية بتختلف بأختلاف كل شخصية.. او بأختلاف الظرف مثلا سواء كان زمان او مكان.. وطبعاا خالينا متفقين على طول الخط ان فكرة انك مبتخفش دى كذب وخداع

هل نموت عندما تتركنا احلامنا..؟! هل ضياع احلامنا يشعرنا بالضياع احيانا وفقد الهوية احيانا اخرى..؟!وهل عندما نتخلى عن احلامنا سواء بأرادتنا الحرة او حالت الظروف دون السعى ورائها نشعر ان اجزاء منا ذهبت مع الاحلام الضائعة..؟! اعتدت ان اقول لنفسى دوما اننا نحلم لنعيش..ونعيش لنحلم ونحقق مانريد ولكن ان كان الفرق بين الاحلام والواقع كالفرق بين السما والارض..فلا رجاء من الحلم..ولكنى عدت وتشبثت بأحلاما كان الفرق بينها وبين واقعى كالفرق بين الكوكب والكوكب..وامنت بأنى استطيع تحقيقها..ولازالت اسعى فيها.. اؤمن بأن فقدان الحلم يفقدنا اجزاء من شخصيتنا..وربما زاد الامر الى حد فقدان الهوية..برأيى كل شئ يختفى ان اختفى الحلم..وان اوهمنا انفسنا وتمشينا مع التيار بدون اى تغيير فى حياتنا..ولكن يظل هناك هذا الشعور يؤلم الما خفيفا فى البداية ربما دواه الحلم البديل او دواته الظروف.. ولكنك ستجد نفسك تقف يوما لتقول ماذا لو؟وستسأل نفسك لما تخليت عن احلامك؟ اذكر انى شاهدت يوما فيلما يدعى  ( the   Revolutionary   road ) قررت فيه البطلة ان تنتحر تراكه ورائها اطفالا وزوجا تحبهم ويحبونها والعجيب ان حياته

البلد دى معدش ينفع معاها نألش او نهزر او نضحك على اللى بيحصل بدم شعبنا الخفيف اللى اخف منه مفيش فى العالم..لان اللى بيحصل فيها يتخطى حدود الشعب المسكين ع الألش.. لان السادة المسئولين فيها وصناع القرار والاعلامين والصحفين الاجلاء بعد ماسحبوا السجادة من تحت رجل الشعب فى كل حاجة قرارو وبالاجماع انهم يسحبوا منه كمان صفة الألش وبدل ماهما يعملوا العملة واحنا نألش عليها..بقوا بيعملوا العملة ويألشوا فى نفس الوقت.. ويصادف ان تأتى عملية حرمان الشعب من صفة الألش واحنا داخلين على ايام حر نااااااااار وكانت النكتة والضحكة والألشة هى الحاجة الوحيدة اللى بتخفف عن الشعب المسكين محنته وكمان بجبروتهم مش عايزين يسبوها لنا.. ياجودعان حراااااااااااااااااااام والله اللى بيحصل حرااااااااااااام مينفعش تهزروا معانا كشعب كده ده حتى هزاركم سخيف جدااااااااا ولا يحتمل والنكت بتاعتكم مسخة اووووووووووووى.. يعنى حرااااام اصحى من النوم الاقى سعد قرر يرشح نفسه للرياسة فألش عليها انا والناس واقول طب كويس هيحولها لشارع الهرم ومعا لجعل دينا لكل مواطن وببلاش بلا مرواح سينمات بقى وزحمة وتحرش وكده..وبعدها بيومين يرجع ي

متبقاش لوحدك وتسيب روحك للاحزان.. متبقاش لوحدك عايش فى همك وتزود على نفسك احمال كمان.. متبقاش وحدانى فى زمن بينسى.. فى زمن اللى ميعشهوش هيبقى كأنه ماكان.. متبقاش وحدانى وافتح قلبك للدنيا..وحب وعيش تجرح..تتجرح..وترجع كأنك مفيش.. المهم انك تعيش..عيش بالحب والتراضى.. بقلب صافى..وضحكة رايقة..ومزاج هادى.. عيش بفرحة وامل لكل يوم جديد.. عيش كأن الفرحة لو خلصت النهاردة مش هتعرف ليها تانى مواعيد.. قابل كل يوم ناس جديدة..عيش قصة حب سعيدة.. حس بأمل فى بكرة اللى جى..مهما تضلم او تقفل.. مهما تعتم او تغيم..امسك فى حلمك بكل قوتك.. مسيرك فى يوم تلاقى سكتك..مسيرك توصل للاحلامك.. بس انت خليها قدامك..واوعى يكسرك الزمن.. او تسيب روحك للوحدة والملل.. وخليك فاكر ان مللك من روحك.. وانك مهما عليت فى طموحك.. محتاج دايما اللى يشركك فرحتك ويقوى عزمتك ويثبتك.. متبقـــــاش لــوحـــــــدك..